Battery low

Almennt finnst mér rosa gaman að finna lausnir á vandamálum. Hvort mér takist það er annað mál.

Það er tvennt sem hefur farið í taugarnar á mér síðustu ár:

1) Að enda uppi með fullt af stökum sokkum. Hvað verður um hinn? Ég neita að trúa því að sokkar hverfi sporlaust en ég er hrædd um að þannig standa málin einfaldlega.

2) Að vera nýbyrjuð að hlaupa og þá slökknar á iPodinum. Hvernig getur þetta gerst? Ég sem var nýbúin að hlaða þessa elsku og ekki enn komið að uppáhaldslaginu!

Lausnir:

1) Mér datt sú snilldarhugmynd í hug fyrir um 2 árum síðan að henda bara þeim sokkum sem ættu sér engan "maka". Það fór nú ekki betur en svo að mánuði eftir hóp-sokka-hendingu-í-ruslið fann ég "maka" sokkanna alltaf! Bömmer. FAIL

2) Þar sem mér finnst ómögulegt að hlaupa við undurfagra tóna bílaumferðar og öngþveitis ákvað ég að prufa fara með gamla ipodinn minn líka og skipti bara um þegar batteríið í hinum var tómt. Þetta virkaði þar til gamli ipodinn dó, til eilífðar. FAIL

Í dag fékk ég flugu í hausinn að reyna sameina þessi vandamál mín og viti menn,

ég fann lausn!

Þar sem batterí eyðist frekar í kulda sá ég fram á að þurfa "klæða" ipodinn minn betur. Hvaða föt henta honum best?

-Nú að sjálfsögðu sokkurinn minn sem var yfirgefinn af maka sínum fyrir viku síðan.

B-R-I-L-L-I-A-N-T

ERS